Rétt hjá Birni Bjarnasyni

Ég er alveg sömu skoðunnar, það að ganga í EES voru gríðarleg mistök. Og þegar maður hugsar til baka þá var það Jón Baldvin sem fór hvað mest fram í því máli og ætti að sjá sóma sinn og axla ábyrgð, að minnsta kosti að láta stjórnmál eiga sig!!

Aðild að EES réð úrslitum

Athugasemdir

[Sigurður M Grétarsson, 22.2.2009 kl. 22:52]

Þvílíkt kjaftæði. Það er ekkert, sem bannar það að aðildarlönd EES samningsins setji reglur um heimildir eigin banka til að opna útibú í öðrum EES löndum. Bretar banna eigin bönkum að opna útibú annars staðar á EES svæðinu. Ef breskir bankar vilja vera með starfsemi annars staðar á EES svæðinu þá verða þeir að gera það í formi dótturfélaga og þar með er sú starfsemi á ábygð þarlendra stjórnvalda.

Ef við Íslendingar hefðum gert það sama þá stæðum við ekki uppi með Icesave skuldirnar. Það var því sofandaháttur þeirra stjórnvalda, sem voru við völd þegar fyrstu Icesave reikningarnir voru stofnaðir, sem er um að kenna.

Hvað varðar EES samningin þá hefur hann fært okkur Íslendingum mikla hagsæld og þrátt fyrir allt væru lísfskjör hér lakari en þau eru ef við hefðum ekki gert þann samning. Það voru því ekki nein mistök að gera þann samning nema hvað það varðar að það hefði verið mun heppilegra og okkur til mun meiri hagsældar að fara enn lengra og gagna í ESB heldur en að taka skrefið til hálfs og gera EES samningin. Það var hins vegar mun skárra að gera EES samningin heldur en að taka ekkert skref í áttina til ESB.

Ef við hefðum verið aðilar að ESB og verið búin að taka upp Evru hefði sennilega ekki orðið sambærilegt bankahrun hér og varð. Það stafar einfaldlega af því að þá hefði ekki orðið gjaldeyirskreppa hér á landi eins og varð vegna þess að skuldir bankanna voru flestar í Evrum. Það hefur verið fullyrt að bæði Írar og Austurrikismenn hefðu lent í því sama og við ef þeir hefðu ekki verið aðilar að ESB og verið aðilar að Evrópska myntsvæðinu.

[Páll A. Þorgeirsson, 23.2.2009 kl. 01:41]

Voru það ekki Björn B. og aðrir sjálfstæðismenn sem greiddu atkvæði með EES ásamt Jóni B. og félögum  ? 

Á kannski að kenna EES um bankahrunið og afleiðingar þess ?

[Axel (IP-tala skráð) 23.2.2009 kl. 02:38]

Páll: Hann var að vísu í þessari grein að kenna sjálfum sér um EES samninganna

"„Ég skorast ekki undan ábyrgð minni á því, að Ísland gerðist aðili að samningnum um þetta svæði,“ segir Björn."

 Samningarnir voru bara verkfæri sem klikkaði en hann er þarna að benda á sín mistök að greiða atkvæði með þeim.

[Sigurður M Grétarsson, 23.2.2009 kl. 09:47]

Axel. Eins og fram kemur í athugasemd minni hér áðan þá var það ekki EES samningurinn, sem klikkaði heldur íslensk stjórnvöld.